最近因為睡眠不足，就走咗去「萬ling」 買咗隻一盒百幾蚊嘅助眠產品。盒上印住D日本字⋯日本貨，應該冇死嘞卦！乜嘢睡眠美天然又有骨膠原！有齊曬想要嘅嘢，勁啱聽，勁吸引，一買就買咗四盒！又好似真係幾有效喎！瞓得幾好！所以順便响Facebook 介紹下比D朋友，益下 friends！真係有好多朋友跟我買！鬼咩，勁多人無覺好瞓。點知，有朋友打電話比我，話我知食完個頭好痛，天旋地轉，仲想嘔！

「唔係卦！我完全冇事喎！」唔通我take得太多保健食品，有抗體，所以冇副作用？係咪佢體質太差，受唔到呀？唔係天然嘅咩？好恐怖啊！
正响度霖緊有乜事，點知當日就有一位日本朋友留言：「盒子的日文是錯的！」噢！係真唔係呀？錯嘅？我睇真個盒上面D字，有寫台灣製造，但係加咗好多日文字，好易咁誤導顧客(我哩種白痴)，蠢到見係日本貨就買！！
雖然真係唔知乜野原因會有副作用，但哩種商品响香港冇乜嚴格管制！大家買保健食品真係要醒少少，睇清楚先好買！浪費銀紙事少，影響自己身體，就弊家火啦。算，益垃圾桶，bye 三盒！